Amnistia Ta Askatasuna


Amnistiaren Aldeko eta Errepresioaren Aurkako Mugimendua

Hisham Abu Hawash preso politiko palestinarra 140 egun betetzear dago gose greban, eta egoera kritikoan dago. Hawash edozein unetan hil daiteke eta, edonola ere, bere bizi-organoetan kalte itzulezinak izango ditu. Hawash-i preso izaera bertan behera utzi diote, baina edozein unetan ezeztatu daiteke eta ezin da okupazioko ospitale sionistatik atera. Egoera horren aurrean Hawash-ek gose grebarekin jarraitzen du.

Israelgo Estatu sionistak/terroristak Palestina okupatzen jarraitzen du; haren lurrak legez kanpoko kokalekuen bidez lapurtzen; herrixka osoak suntsitzen; biztanleria zibilaren aurkako bereizketarik gabeko sarraskiak egiten, adingabeak eta haurrak barne; kargurik eta epaiketarik gabeko atxiloketa administratiboak burutzen, etab. Era berean, palestinar herriaren Erresistentziak borrokan jarraitzen du Palestina askatzeko, Jordan ibaitik Mediterraneoraino.

Jakin berri denez, Alaa al-Araj (Tulkarem, 34 urte) bere gose greba amaitutzat eman du, 103 egunez luzatu ondoren, Estatu sionistak bere atxiloketa administratiboa bertan behera utzi baitu. 2021eko ekainetik preso zegoen.

Orain dela astebete, azaroaren 11n, Miqdad al-Qawasmeh (24 urte) 113 eguneko gose greba utzi zuen ere. 2022ko otsailean espetxetik ateratzea lortu du Hamaseko preso politikoen ordezkaritzak, administrazio sionistarekin negoziatuz.

Gaur 7 dira oraindik gose greba mugagabean dauden preso politiko palestinarrak. Zazpi militante espetxeetan Estatu sionistari planto egin diotenak eta borroka azkeneko puntura eramaten ari direnak: Israelek sistematikoki aplikatzen duen atxiloketa administratiboarekin amaitzeko.

Paperean ilegala den arren, badirudi honetarako ere ez duela begirik ez esku hartzerik Komunitate Internazional saritu eta txalotuak.

Garbiketa etnikoak eta bertako populazio palestinarra bere lurraldetik kanporatzeak, erantzuleak izan zituen eta ditu. Israelgo Estatuaren sorrera lotsagarri eta inperialistaren aurretik (1948), aurreko mendeko 30eko hamarkadatik sionistek palestinarren etnozidioa egitea pentsatua zuten.