Amnistia Ta Askatasuna


Amnistiaren Aldeko eta Errepresioaren Aurkako Mugimendua

2022ko maiatzaren lehen honetan, klaseen arteko borrokak krisi kapitalistan sakontzea eta langileriarentzako baldintza material, politiko eta sozial okerragoak ekarri dizkigu. Era berean, euskal indar iraultzaileen aurrerakada gero eta handiagoa dela ikusten dugu.

Hau da, nahiz eta euskal herri langileak alienazio maila altua jasan, euskal iraultza sozialista urratsak irabazten ari da euskal militante iraultzaile askoren kontzientzian.

Badira, behin eta berriz, gure lerro politiko sozialista iraultzailearen helburuak (Amnistia Osoa, beraz, Euskal Estatu Sozialistaren eraikuntza) ahantz ditzagun saiatzen direnak. Horien artean, kapitala betidanik defendatzen dutenak ditugu; burgesia klasea orokorrean eta burgesia handia modu berezian.