Amnistia Ta Askatasuna


Amnistiaren Aldeko eta Errepresioaren Aurkako Mugimendua

Iñaki bilbao"txikito" euskal preso politikoak 35 egun daramatza gose eta komunikazio greba mugagabean, independentzia eta sozialismoa reibindikazioarekin.

Bereziki Txikitoren gose greba dela eta,baina baita euskal preso eta iheslari politikoek bizi duten egoera ankerraren aurrean herritar batzuk, herrian, kalean mobilizatu behar dugula uste dugu.

Txikitasunetik txikitori elkartasuna, babesa eta indarra transmititu behar diogulakoan gaude. 35 egun daramatza gose greban eta egoera geroz eta larriagoa da.

Bilbon burutzen aritu den Txikitoren aldeko ekimenak, 15 egun gose greban egon eta gero, gaur urriak 11, gose grebari amaiera ematea erabaki du. Aldi berean, kaleko mobilizazioetan eta burutuko diren asteburuko baraualdietan parte hartuko duela iragarri du.

Bestaldetik premiazko deia egiten du kontzienteago diren proletalgo zein herri sektoreak ekimen hauetan (edo bestelakoetan) parte hartzeko.

Puerto-III-n duten euskal preso politikoa den Oskar Barreras-ek honako hau jakinarazi egin du Iñaki Bilbao, Txikitoren inguruan.

Baduela pare bat egun Puerto-III-ko Zuzendariak aditzera eman zuela bi egun barru-edo Txikito Ospitalera eraman behar zutela. Momentuz ez dute eraman baina epe motzean halaxe izango dela ematen du denak.

Amnistiaren Aldeko eta Errepresioaren Aurkako Mugimenduak jakin ahal izan duenez beste gertakari errepresibo bat gertatu da Etxarrin.

Egunetan zehar amnistiaren aldeko ikurra eta kartel informatibo bat (Txikitoren helburuekin eta berak aurrera daraman borrokaren helburu eta egunekin) herriko enparantzan ipinita zeuden. Eta argazkian ikusten denez, esan behar da ere kartelaren tamaina ez zela inolaz ere eskandalagarria.

Hauexek dira Amnistiaren Aldeko eta Errepresioaren kontrako Mugimenduari euskal preso politikoa den Dani Pastorren bidez iritsi zaizkigun albiste apurrak.

Batetik kartzelariak, aurrez aurre, Txikito borroka uzteko saiatu direla. Saio horretan bertan zer protokolo jarraituko duten esatean, Txikitok  kontatzen die protokolo bera kartzelariei aditzera ematen adarra ez jotzeko eta berak ondo aski dakiela zer egingo zuten/zioten borroka aurrera eramanez gero.

Basauritik

Iñaki Bilbao "Txikito"  Euskal preso politikoak aurrera daraman Independentzia eta Sozialismoaren aldeko borrokari gure atxikimendua erakusteko, asteburuko baraua burutzen ari gara, Basaurin.

Izan ere, gure ustez, Txikitoren borrokak merezi du Independentzia eta Sozialismoaren alde gauden guztiok sostengua. Eta horregatik dei egiten dugu Euskal Herri langileari Txikitoren borrokaren aldeko ekimenak sortzera eta martxan daudenak babestera.