Amnistia Ta Askatasuna


Amnistiaren Aldeko eta Errepresioaren Aurkako Mugimendua

AHT-ren aurkako ekintzaileen atxiloketen aurrean, Amnistiaren Aldeko eta Errepresioaren Aurkako Mugimenduak, honakoa adierazi nahi du:

Lehenik, atxilotuekin elkartasuna eta babesa. Bigarrenik, gure mesprezurik sakonena atxiloketak agindu eta atxiloketak burutu dituztenengan. Batzuk zein besteak, esku beretik jaten bait dute; kapitaletik, alegia.

Amnistiaren Aldeko eta Errepresioaren Aurkako Mugimenduak Ruben Ollo 'Olazti'-ren atxiloketa salatu eta gazte nafarraren jarrera desobedientea txalotu nahi du. Urtarrilaren 19an jarri zion hitzordua Espainiako Audientzia Nazionalak, sare sozialetan 'terrorismoaren biktimak umiliatzea' leporatuta. Olaztik salbuespen epaitegi horren aurrean aurkezteari uko egin zion orduan eta, horren ondorioz, gaur atxilotu egin dute.

Amnistiaren Aldeko eta Errepresioaren Aurkako Mugimenduak jakin duenaren arabera, hainbat pertsona atxilotu ditu gaur Espainiako Poliziak Euskal Herrian, sare sozialetan 'terrorismoa goratzea' leporatuta.

Atxiloketa hauen aurrean, gure mugimenduak elkartasuna adierazi nahi die atxilotuei eta, era berean, okupazio indarrei Euskal Herritik alde egiteko deia egin nahi du. Dagoeneko bi dira 'Armiarma Operazioa' delakoaren baitan zabaldutako prozeduren ondorioz espetxeratutako euskal herritarrak eta hainbat gehiago auziperatuak, epaituak eta kondenatuak izan direnak.